खेलकुद

आज नेपालले नेदरल्याण्डको सामना गर्दै जित्नैपर्ने दबाबमा


erastriya शनिबार, असार ०९, २०८०

नेदरल्यान्ड्सविरुद्ध विश्वकप छनोट क्रिकेटमा खेल्दा नेपालले एउटा तथ्य राम्रोसँग बुझेको छ, विजय हात पारेमा सुपर सिक्स प्रवेश लगभग निश्चित । समूह चरणमा शनिबार आफ्नो अन्तिम खेल खेल्दा नेपाली टोली यही परिस्थितिअनुसार खेल्ने पक्का छ । 

जिम्बावेमा भइरहेको प्रतियोगितामा नेपाल र नेदरल्यान्ड्स दुवैले १–१ खेलमा विजय हात पारेका छन् । नेदरल्यान्ड्सले थप एक खेल खेल्न बाँकी छ । नेदरल्यान्ड्स र वेस्ट इन्डिज तथा घरेलु टोली जिम्बावे र अमेरिकाबीच सोमबारको खेलपछि समूह ‘ए’ को खेल टुंगिने छ ।

तर, त्यसअगाडि नै नेपाल र नेदरल्यान्ड्सबीचको खेलबाट सुपर सिक्समा पुग्ने एक टोलीको लगभग तय हुनेछ । जसले यो खेल जित्छ त्यही नै अर्को चरणमा पुग्नेछ । नेदरल्यान्ड्सको हकमा नेपाललाई पराजित गरेमा टोलीको सुपर सिक्स यात्रा पक्का नै हुनेछ भने नेपालको हकमा जित पाए पनि नेदरल्यान्ड्स र वेस्ट इन्डिजबीचको अन्तिम खेलको नतिजा कुर्नुपर्नेछ ।

पहिलो खेलमा जिम्बावेसँग पराजित भए पनि अमेरिकासँग खेलमा विजय हात पारेपछि नेदरल्यान्ड्स राम्रो रनरेटका आधारमा नेपाललाई पछाडि पार्दै समूह ‘ए’ को तेस्रो स्थानमा उक्लिएको थियो । पहिलो दुवै खेलमा विजय हात पार्दै वेस्ट इन्डिज र जिम्बावे शीर्ष दुईमा छन् । नेपाल पनि पहिलो खेलमा जिम्बावेसँग नै पराजित भएको थियो । त्यसपछि अमेरिकामाथि विजय हात पारेको नेपाल अघिल्लो खेलमा वेस्ट इन्डिजसँग १ सय १ रनले पराजित भएको हो ।

जिम्बावेविरुद्ध ३१५–६ को स्कोर बनाए पनि नेदरल्यान्ड्स पराजित भएको थियो । इंग्लिस काउन्टी क्रिकेटसँगको प्रतिबद्धताका कारण फ्रेड क्लासेन, पाल भान मिकेरेन, कोलिन अकरमन र ब्रान्डन ग्लोभर नेदरल्यान्ड्स टोलीमा छैनन् । गत वर्ष नेदरल्यान्ड्सले ट्वान्टी–२० विश्वकपमा दक्षिण अफ्रिकालाई पराजित गर्दा यी खेलाडी डच टोलीका पहिलो पाँच बलर थिए । अर्का दुई अनुभवी सिमर शेन स्नाटर र टिम भान डेर गुगटेनलाई पनि काउन्टी टोलीले जिम्बावे जान रोकेको छ ।

उनीहरूको अनुपस्थितिमा पनि नेदरल्यान्ड्सले अघिल्लो खेलमा अमेरिकालाई २११–८ को स्थितिमा रोकेको थियो । कप्तान स्कट एड्वार्डसले अविजित ६७ रन बनाउँदै नेदरल्यान्ड्सलाई जित दिलाएका थिए । जिम्बावे पुग्नुअघि नेदरल्यान्ड्स र नेपाल दुवै दक्षिण अफ्रिकामा प्रशिक्षणका लागि पुगेका थिए । त्यहाँ खेलिएको अभ्यास खेलमा नेदरल्यान्ड्सले नेपाललाई ५ विकेटले पराजित गरेको थियो ।

तर, नेपालले जिम्बावेमा विश्वकप छनोटमा उच्च प्रदर्शन गर्दै आएको छ । जिम्बावेसँग २ सय ९० रन बनाएको नेपालले अमेरिकालाई दोस्रो खेलमा २ सय ७ रनमा अलआउट गरेको थियो । वेस्ट इन्डिजविरुद्धको अघिल्लो खेलमा ३ सय ४० रनको विजय लक्ष्य पछ्याउनेक्रममा नेपालले २ सय ३८ रन जोडेको थियो ।

नेपालले सन् २०१८ मा जिम्बावेमै भएको पछिल्लो विश्वकप छनोटबाट एकदिवसीय अन्तर्राष्ट्रिय मान्यता पाएको थियो । आफ्नो पहिलो एकदिवसीय अन्तर्राष्ट्रिय खेल्न नेपाललाई नेदरल्यान्ड्सले नै दुई खेलको शृंखलाका लागि निम्तो गरेको थियो । त्यसक्रममा एमस्ट्रार्डममा नेदरल्यान्ड्सविरुद्ध सन् २०१८ को अगस्ट १ मा खेल्दै नेपालले एकदिवसीय अन्तर्राष्ट्रिय यात्रा सुरु गरेको थियो ।

तर, नतिजा नेपालको विपक्षमा ५५ रनले आएको थियो । अर्को खेलमा पारस खड्काले सानदार अलराउन्ड प्रदर्शन गरेपछि नेपालले नेदरल्यान्ड्समाथि १ विकेटको विजय हात पार्दै शृंखला १–१ को बराबरीमा टुंग्याएको थियो । त्यसमा नेपालका वर्तमान कप्तान रोहित पौडेलले ‘डेब्यु’ गरेका थिए ।

 

यो खबर पढेर तपाईलाई कस्तो महसुस भयो ?

0

प्रतिकिर्या

थप समाचार

पुरुष टी-२० विश्वकप छनौटमा नेपालको समुहमा जापान र कुवेत
पुरुष टी-२० विश्वकप छनौटमा नेपालको समुहमा जापान र कुवेत

असार २६, २०८२

साफ यू-२० च्याम्पियनसिप खेल्ने महिला फुटबल टिमको बिदाई
साफ यू-२० च्याम्पियनसिप खेल्ने महिला फुटबल टिमको बिदाई

असार २४, २०८२

क्लब विश्वकपको सेमिफाइनलको समीकरण पुरा: लाई फ्लुमिन्सको चुनौती, रियल मड्रिडलाई पीएसजीको टक्कर
क्लब विश्वकपको सेमिफाइनलको समीकरण पुरा: लाई फ्लुमिन्सको चुनौती, रियल मड्रिडलाई पीएसजीको टक्कर

असार २२, २०८२

सिंगापुरलाई हराउदै नेपालले जित्यो एसीसी यू-१६ इस्ट जोनको उपाधि
सिंगापुरलाई हराउदै नेपालले जित्यो एसीसी यू-१६ इस्ट जोनको उपाधि

असार २१, २०८२

ताजा अपडेट

  • पूर्वराष्ट्रपति भण्डारी एमालेको राजनीतिमा फर्किनु सकारात्मक- झलनाथ खनाल

    पूर्वराष्ट्रपति भण्डारी एमालेको राजनीतिमा फर्किनु सकार…

  • अफ्रिकाको उत्तर कोरिया बन्दै माली !

    अफ्रिकाको उत्तर कोरिया बन्दै माली !

  • राप्रपामा आन्तरिक विवाद, धवलशम्शेरको नेतृत्वमा लिङ्देनविरुद्ध मोर्चाबन्दी

    राप्रपामा आन्तरिक विवाद, धवलशम्शेरको नेतृत्वमा लिङ्देन…

  • एयर इन्डियाको विमान दुर्घटनाको प्रारम्भिक अनुसन्धान प्रतिवेदन सार्बजनिक

    एयर इन्डियाको विमान दुर्घटनाको प्रारम्भिक अनुसन्धान प्र…

  • डा. बाबुराम भट्टराईको माओवादी आन्दोलन बारे ६ बुँदे विश्लेषण

    डा. बाबुराम भट्टराईको माओवादी आन्दोलन बारे ६ बुँदे …

  • फैसलामा गम्भीर त्रुटि भएको सर्वोच्चको ठहर

    फैसलामा गम्भीर त्रुटि भएको सर्वोच्चको ठहर

  • नेप्सेमा २५. ८९ अंकको वृद्धि, ९ अर्ब ६८ करोडको कारोबार

    नेप्सेमा २५. ८९ अंकको वृद्धि, ९ अर्ब ६८ करोडको कारोब…

  • पुरुष टी-२० विश्वकप छनौटमा नेपालको समुहमा जापान र कुवेत

    पुरुष टी-२० विश्वकप छनौटमा नेपालको समुहमा जापान र …