काठमाडौँ । सर्वोच्च अदालतभित्र शुल्क लिएर कोचिङ कक्षा सञ्चालन गरिएपछि चर्को विरोध सुरु भएको छ। नेकपा एमालेनिकट नेपाल निजामती कर्मचारी संगठन, सर्वोच्च अदालत विभागीय कार्यसमितिले मंगलबारदेखि लोकसेवा तयारी कक्षा सुरु गरेपछि यो विवाद उत्पन्न भएको हो।
विभागीय कार्यसमितिले कोचिङ कक्षा सञ्चालन गर्न शुल्क असुलेको भन्दै अन्य कर्मचारीहरूले आपत्ति जनाएका छन्। उनीहरूको दाबी छ कि यो कदमले अदालतको निष्पक्षता र प्रतिष्ठामा आँच पुर्याउँछ। विरोध गर्ने कर्मचारीहरूले अदालतजस्तो संस्थामा यस्तो क्रियाकलाप अस्वाभाविक भएको र यसले आन्तरिक व्यवस्थापनमा असर पर्ने बताएका छन्। सर्वोच्चको एनेक्स भवनको सभाहलमा बिहान साढे ६ देखि साढे ८ बजेसम्म न्याय सेवाको लोकसेवा तयारी कक्षा सञ्चालन गरिएको छ । संगठनले ५० जनाको सिट सङ्ख्या नै निर्धारण गरेर कक्षामा सहभागी हुन साढे १३ हजार रुपैयाँ शुल्क तोकेको छ ।
सूचनामा लोकसेवा आयोगबाट लिइने नेपाल न्याय सेवा (न्याय, कानुन र सरकारी वकिल समूह) उपसचिव पदको प्रथम र द्वितीय दुवै पत्रको तयारी कक्षा सञ्चालन हुने र सहभागिताका लागि भर्ना शुल्कबापत साढे १३ हजार रुपैयाँ तिर्नुपर्ने उल्लेख छ । ख्यातिप्राप्त विषयविज्ञ प्रशिक्षकहरूबाट कक्षा सञ्चालन हुने बताउँदै उनले भने, ‘हामीले निकै कम शुल्कमा कक्षा सञ्चालन गरेका हौँ ।’ उनका अनुसार साढे दुई महिना कक्षा सञ्चालन हुने छ । संगठन र अदालतभित्रका कर्मचारीका लागि न्यूनतम शुल्कमा कक्षा सञ्चालन गरिएको उनको भनाइ छ ।
प्रतिकिर्या