नेपाली राजनीतिमा दबादबा कायम राख्ने हालका झापाली नेताहरूमा पर्छन्, एमाले अध्यक्ष केपी शर्मा ओली, सभामुख देवराज घिमिरेदेखि कांग्रेस महामन्त्री विश्वप्रकाश शर्मा, नेता कृष्णप्रसाद सिटौला र राप्रपा अध्यक्ष राजेन्द्र लिङ्देन ।
कोशीका मुख्यमन्त्री हिक्मत कार्की पनि झापाकै हुन् । राष्ट्रिय राजनीतिमा चर्चित नेताहरू ओली, घिमिरे, लिङ्देन, शर्मा, सिटौलालगायतको जिल्ला झापामा सडकमै धान रोप्दैछन् युवाहरू । नरोपुन् पनि किन ? विर्तामोड–भद्रपुर जोड्ने यो सडक नै खेतजस्तो हिलाम्मे भएको छ । हरेक वर्षको हिउँदमा यो सडक धुलाम्मे र वर्षायामा हिलाम्मे हुने गर्छ । र, धान रोपिएको लेखनाथ चोक छेउको सडकमा हो ।
यस्तो हालतको सडकले ओली, लिङ्देन, शर्मा, सिटौलालगायत नेतालाई गिज्याइरहेको छ । र, झापाली युवाहरूले यी नेताहरूको तस्वीर लेखनाथ चोकमा टाँसेर भन्दैछन्, ‘लापत्ता ’ । चुनावका बेला यी नेताहरूलाई आफ्नो चुनाव क्षेत्र मात्रै होइन, झापालाई विकसित र समृद्ध बनाउने जनतासँग वाचा गरेका थिए ।
शिलापत्र
प्रतिकिर्या