विप्लवले जुम्लामा कृषि क्रान्ति सुरू गरे: १० हजार स्याउका बिरुवा रोप्दै

नेपाल कम्युनिस्ट पार्टीका महासचिव नेत्र विक्रम चन्द ‘विप्लव’ले जुम्लामा कृषि क्रान्तिको सुरुवात गरेका छन् । किसानलाई उत्पादनमा प्रेरित गर्ने र आयात घटाइ आत्मनिर्भर हुने उद्देश्यसहित जुम्लामा स्याउ खेतीको सुरुवात गरिएको विप्लवले बताए । हिमा गाउँपालिका–६, हडुल्यास्थित पार्टीका केन्द्रीय सदस्य विर्खबहादुर शाहीको बाँझो जग्गामा उक्त टोलीले बृहत् स्याउ खेती सुरुवात गरेको हो । बिहीबार आफ्नै नेतृत्वमा पार्टीका ५५ जना नेता, कार्यकर्ताको टोलीसहित विप्लव जुम्ला पुगेका थिए । 

नेकपाका नेता भरत बमका अनुसार हडुल्याको २२ हजार वर्गमिटर क्षेत्रफलमा १० हजार स्याउका बिरुवा रोप्ने अभियान सुरु गरिएको छ ।