पोर्चुगल पठाइदिन्छु भन्दै ठगी गरेको आरोपमा २२ वर्षीय रचना थापा पक्राउ

पोर्चुगल पठाइदिन्छु भन्दै ठगी गरेको आरोपमा नुवाकोट पंचकन्या घर भई काठमाडौं टोखामा बस्ने २२ वर्षीय रचना थापा पक्राउ परेकी छिन् ।

थापाले रामचन्द्र कार्कीलाई वैदेशिक रोजगारीको लागि पोर्चुगल पठाइदिन्छु त्यसको लागि १२ लाख रुपैयाँ लाग्छ र पोर्चुगल पुगेपछि प्रतिष्ठित होटलमा काम लगाइदिन्छु जहाँ मासिक १ लाख ३० हजार रुपैयाँ तलब हुन्छ भनी प्रलोभनमा पारी ९ लाख ९० हजार रुपैयाँ लिई ठगी गरेको आरोपमा काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले सोमबार टोखाको मनमैजुबाट पक्राउ गरेको हो ।