काठमाडौं: पूर्वराजा ज्ञानेन्द्र शाह रुपन्देही जिल्लाको भैरहवामा छन् ।
पूर्व राजाले भेट्न चाहेको सन्देश पठाएपछि राप्रपाका शीर्ष नेताहरु मंगलबार भैरहवा पुगे ।
पूर्वराजा ज्ञानेन्द्र शाह राप्रपाका शीर्ष नेताहरुबीच बुधबार भैरहवामा भेटवार्ता भएको छ ।
भेटमा राप्रपाका अध्यक्ष राजेन्द्र लिङ्देन, वरिष्ठ उपाध्यक्ष रवीन्द्र मिश्र सहित उपाध्यक्ष बुद्धिमान तामाङ, महामन्त्री धवलशम्शेर राणा र सांसद दिपक सिंह सहभागी थिए ।
भेटमा देशको पछिल्लो राजनीतिक घटनाक्रमका बारेमा छलफल भएको अनुमान गरिएको छ ।
नेताहरुसँगको भेटका क्रममा पूर्वराजा शाहले आफू ऐतिहासिक संस्थाको प्रतिनिधित्व गरिरहेको र सबैलाई एकताको सुत्रमा बाध्ने काम गरेको बताएका छन् ।
‘हामी सबैले धेरै देख्यौ र बुझ्यौँ । म ऐतिहासिक संस्थाको प्रतिनिधित्व गर्छु । मेरो काम सबैलाई एकताको सूत्रमा बाँध्ने हो । सबै नेपाली मेरो लागि बराबर छन्’, भैरहवामा भएको सामूहिक भेटका क्रममा भएको शाहको भनाइ उधृत गर्दै राप्रपाका बरिष्ठ उपाध्यक्ष मिश्रले सामाजिक संजालमा भनेका छन् ।
राजसंस्था, हिन्दुराष्ट्र पुनर्स्थापना र संघीयता खारेजीका लागि घोषणा गरेको आन्दोलनबारे राप्रपाका नेताहरुले पूर्वराजालाई जानकारी गराएको बुझिएको छ।
प्रतिकिर्या