सम्पादकहरूसँग एउटा छलफलका क्रममा प्रचण्डले टिकटकमाथि लगाइएको प्रतिबन्धबारे “पुनर्विचार गर्न सकिने” बताएका थिए।
प्रधानमन्त्री प्रचण्डको यो अभिव्यक्ति त्यति बेला आएको छ जति बेला टिकटकका एक उच्च अधिकारी काठमाण्डू आएका छन्।
प्रधानमन्त्री प्रचण्डको टिप्पणीलाई कतिपयले सरकार टिकटकप्रति लचिलो हुन खोजेको सङ्केतका रूपमा पनि लिएका छन्।
प्रतिबन्धविरुद्ध सर्वोच्च अदालतमा दायर एक दर्जनभन्दा बढी रिट निवेदनलाई एकसाथ राखी मङ्गलवारबाट सुनुवाइ गर्ने भनिए पनि ‘हेर्न नभ्याइने’ सूचीमा पर्यो। ती सबै रिट निवेदनको सुनुवाइका लागि न्यायाधीशद्वय सुष्मालता माथेमा र विनोद शर्माको संयुक्त इजलास तोकिएको थियो।
यसअघि सर्वोच्च अदालतको एकल इजलासले सरकारी निर्णयविरुद्ध कारण देखाऊ आदेश जारी गर्दै उक्त मुद्दालाई प्राथमिकतामा राखी सुनुवाइ गर्ने निर्णय गरेको थियो।
"सामाजिक सद्भाव र वातावरणमा खलल पुर्याउन भूमिका खेलेको" भन्दै सरकारले गत महिना टिकटक बन्द गर्ने निर्णय गरेको थियो।
प्रतिकिर्या