रास्वपाद्वारा तीनकुने घटनामा मृत्यु भएका पत्रकार रजकको परिवारलाई ३ लाख सहयोग

काठमाडौँ । राष्ट्रिय स्वतन्त्र (रास्वपा) ले गत चैत्र १५ मा तीनकुने घटनामा मृत्यु भएको पत्रकार सुरेस रजकको परिवारलाई ३ लाख सहयोग गरेको छ । 

रास्वपाले आज पार्टीको तेस्रो स्थापना दिवसको अवसरमा रजक परिवारलाई तीन लाख हस्तान्तरण गरेको प्रवक्ता मनिष झाले जानकारी दिएका छन् । 

तीन लाख चेक  पार्टीका महामन्त्री कविन्द्र बुर्लाकोटी, कोषाध्यक्ष लिमा अधिकारी र कोष ब्यबस्थापन बिभागका सदस्य जगदीश खरेलले रजकको घरमै पुगेर हस्तान्तरण गरेका छन् ।

साथै रास्वपाले आगामी दिनमा पत्रकारको सुरक्षा प्रति राज्य संयन्त्र, राजनीतिक दल र आन्दोलनकारी जिम्मेवार रहन माग गरेको छ ।