सकियो अक्षय कुमारको फिल्म ‘भूत बंगला’ को सुटिङ

मुम्बई, ५ जेठ । बलिउड सुपरस्टार अक्षय कुमारले निर्देशक प्रियदर्शनको हरर कमेडी चलचित्र भूत बंगलाको सुटिङ पूरा गरेका छन् । 

केप अफ गुड फिल्म्स र वाइड एंगल क्रिएशन्सको सहकार्यमा बालाजी मोसन पिक्चर्सको ब्यानरमा एकता कपुरले यो फिल्म निर्माण गरेको हो ।

अक्षयले हालै एक भिडियो क्लिप साझा गरेका छन, जसमा उनी र अभिनेत्री वामिका गब्बी एक गीतको लागि छायाङ्कन गर्दै गरेको देखिएको छ । र, फिल्मको र्यापको घोषणा गरेका छन् ।
‘र यो भुत बंगलाको र्‍याप हो, सधैं आविष्कारशील प्रियदर्शन सरसँगको मेरो सातौं साहसिक कार्य हो, एकता कपूरसँग मेरो दोस्रो आउटिङ, र मेरो पहिलो तर आशा छ कि अन्तिम होइन, सधैं आश्चर्यजनक वामिकासँगको जादुई यात्रा रहेनछ, पागलपनका लागि कृतज्ञता,’ अक्षयले लेखेका छन् ।

सो फिल्ममा तब्बु, परेश रावल, मनोज जोशी, मिथिला पाल्कर, शर्मन जोशी लगायतका कलाकारको पनि मुख्य भूमिका रहेको छ । यो एक भिएफएक्सले सजिएको हेभी फिल्म हो र २ अप्रिल २०२६ मा विश्वभरका थिएटरहरूमा रिलिज हुदैँछ ।