काठमाडौँ। सरकारको नेतृत्व गरिरहेको दल नेकपा माओवादी केन्द्रको विद्यार्थी संगठन अनेरास्ववियू (क्रान्तिकारी ) को आन्तरिक विवाद समाधान उन्मुख भएको को छ । नेकपा (माओवादी केन्द्र) निकट विद्यार्थी संगठन अखिल क्रान्तिकारीभित्रको विवाद २ वर्षपछि मिलेको छ । आइतबार बिहान प्रधानमन्त्री निवास बालुवाटारमा पार्टी अध्यक्ष पुष्पकमल दाहाल प्रचण्डको रोहबरमा ८ बुँदे सहमति भएसँगै अखिल क्रान्तिकारीभित्रको विवाद अन्त्य भएको हो । क्रान्तिकारीका फ्रयाक्सन इन्चार्ज हिमाल शर्माले नीतिगत सहमतिको प्रस्ताव प्रस्तुत गरेका थिए । नीतिगत सहमति भएसँगै क्रान्तिकारीभित्रको विवाद हल भएको फ्रयाक्सन इन्चार्ज शर्माले बताए । पार्टी अध्यक्ष तथा प्रधानमन्त्री पुष्पकमल दाहाल ‘प्रचण्ड’को सहभागितामा आज भएको छलफलले पुरानो कमिटि भंग गरि नयाँ सम्मेलन आयोजक समिति बनाउने सैद्धान्तिक सहमति गरेको छ । अखिल क्रान्तिकारीमा अहिले समानान्तर दुई समूह क्रियाशिल छन् । पञ्चा सिंले नेतृत्व गरेको टिम र पवन कार्कीले नेतृत्व गरेको विद्रोही टिमलाई समेटेर ९९ सदस्यीय भेला २३औं राष्ट्रिय सम्मेलन आयोजक समिति बनाउने सहमति भएको छ। ‘संगठन भित्रको विवाद समाधान भईसकेको छैन, समाधान उन्मुख भने भएको छ । पार्टीको निर्णय आउनु पर्छ, त्यसलाई कार्यान्वयन गरेर जाने वातावरण बन्यो भने समस्या समाधान हुन्छ। हाल पञ्चा सिंहले नेतृत्व गरिरहेको क्रान्तिकारीमा ४९ सदस्यीय पदाधिकारी छन् । त्यसमा पवन कार्कीले नेतृत्व गरिरहेको टिमको समेत थपेर ९९ सदस्यीय बनाउने र यसरी सम्मेलन आयोजक समितिको पदाधिकारी बनाउँदा यस अघि रञ्जित तामाङ अध्यक्ष हुँदा बहाल रहेको पदाधिकारीलाई आधार मान्ने सैद्धान्तिक सहमति आजको छलफल गरेको छ । विद्यार्थी संघठन को फ्राक्सन इन्चार्जमा पूर्व अध्यक्ष समेत रहेका युवा नेता हिमाल शर्मा आएपछि विद्यार्थीको विवाद समाधान उन्मुख भएको हो । आजको छलफलमा अध्यक्ष प्रचण्डसहित उपाध्यक्ष पम्फा भुसाल, उपमहासचिव वर्षमान पुन लगायत दुवै तर्फको अखिल क्रान्तिकारीका नेताहरु सहभागि थिए ।
प्रतिकिर्या