ठमेल घटनामा कमल जोशी निर्दोष रहेको भन्दै तु रिहा गर्न संगठनकाे बिज्ञप्ती

प्रहरी कुटपिट घटनामा संलग्न नभएको CCTV बाट देखिएर नेपाल प्रहरी आफैले अनुसन्धानमा समावेश समेत नगरेको अवस्थामा संगठनका स्थायी कमिटी सदस्य क. कमल जोशीलाई राजनीतिक प्रतिशोध साँधेर विभिन्न सञ्चार माध्यमले जबरजस्ती मुद्दामा जोड्न खोजिरहेको प्रष्ट थियो । आम सञ्चार माध्यमको बदनियतपूर्ण समाचारहरुको आधारमा प्रहरी अनुसन्धानलाई मोडेर क. कमल जोशीलाई पक्राउ गरेको घटनाप्रति संगठनको गम्भिर ध्यानाकर्षण भएको छ। नेपालको संविधानले न्याय सम्बन्धी हकलाई मौलिक हकको रुपमा प्रत्याभूत गरेकोमा मिडिया ट्रायलको आधारमा नभई वस्तुनिष्ठ प्रमाणको आधारमा प्रहरी अनुसन्धान अगाडी बढाउनु पर्छ भन्ने संगठनको धारणा रहेको छ । अनेरास्ववियु सदैव कानूनी राज्यको वकालत गर्ने संगठन भएको हुनाले निष्पक्ष अनुसन्धानका विषयमा संवेदनशील बन्न आग्रह गर्दछौं । अन्त्यमा ठोस प्रमाण बिना पक्राउ गरिएका क. कमल जोशीलाई रिहाई गर्न जोडदार माग गर्दछौं ।