विराटनगर, ८ माघः विराटनगर महानगरपालिका–१८ का सबै सामुदायिक विद्यालयका विद्यार्थीलाई न्यानो कपडा वितरण गरेको छ । वडा कार्यालयको रु नौ लाख बजेटबाट विद्यार्थीलाई न्यानो कपडा वितरण गरिएको हो ।
जनक आधारभूत विद्यालय परिसरमा आज आयोजित कार्यक्रममा पाँच वटा विद्यालयका नौ सय २३ विद्यार्थीलाई न्यानो कपडा वितरण गरिएको छ । महानगर प्रमुख नागेश कोइरालाले सामुदायिक विद्यालयको भौतिक संरचनाको विकाससँगै विद्यालयको गुणस्तर वृद्धिमा महानगरको ध्यान गएको बताउनुभयो ।
उहाँले न्यानो कपडाको अभाव विद्यालयमा अध्ययन गर्न आउने विद्यार्थीलाई समस्या नहोस् भन्ने हेतुले कपडा वितरण गरेको जानकारी दिनुभयो ।
प्रतिकिर्या