सो अवसरमा त्रिभुवन विश्वविद्यालय नेपाली इतिहास, संस्कृति तथा पुरातत्व केन्द्रीय विभागका प्रमुख डा महेश आचार्य, संस्कृतिविद् भीम नेपाल, शिक्षा, विज्ञान तथा प्रविधि मन्त्रालयका प्रतिनिधिलगायतको सहभागिता रहेको थियो । कार्यक्रममा सहभागी अधिकांशले पाठ्यक्रम विकास केन्द्रमा संस्कृति हेर्ने छुट्टै एकाइको व्यवस्था गर्नुपर्नेमा जोड दिए । काठमाडौँ, २९ पुसः विद्यालय तहदेखिकै शैक्षिक पाठ्यक्रममा संस्कृति र सम्पदाका विषयवस्तुलाई समावेश गरिनुपर्नेमा जोड दिइएको छ ।
संस्कृति, पर्यटन तथा नागरिक उड्डयन मन्त्रालय, संस्कृति महाशाखाले आज मन्त्रालयमा आयोजना गरेको संस्कृति र सम्पदालाई पाठ्यक्रममा समावेश गराउनेसम्बन्धी अन्तरक्रियाका सहभागीले संस्कृति र सम्पदालाई सामाजिक शिक्षाअन्तर्गतको विषयमा मात्र समावेश गरिएकाले त्यसलाई सच्याउनुपर्नेमा जोड दिए ।
मन्त्रालयका सचिव डा गणेशप्रसाद पाण्डेयले आधारभूत तहदेखि उच्च शिक्षासम्म संस्कृति र सम्पदाका पाठ्यक्रम निर्माण गरेर लागू गर्नुपर्ने बताउनुभयो । संस्कृतिका पाठ्यक्रमलाई स्थायीरुपमा समन्वय गर्ने संयन्त्र बनाउनुपर्ने बताउँदै सचिव पाण्डेयले सैद्धान्तिक र व्यावहारिक पक्ष ठूला कक्षाका पाठ्यक्रममा समावेश गरिनुपर्ने बताउनुभयो ।
कार्यक्रममा संस्कृति महाशाखा प्रमुख एवं मन्त्रालयका सहसचिव डा सुरेशसुरस श्रेष्ठले संस्कृति र सम्पदालाई पाठ्यक्रममा समावेश गराउनुपर्ने कारणका बारेमा प्रस्तुति गर्नुभएको थियो । यसैगरी पाठ्यक्रम विकास केन्द्रका वासुदेव वस्तीले कस्ता सामग्री पाठ्यक्रममा समावेश गर्ने भन्ने विषयमा प्रस्तुति गर्नुभएको थियो ।
प्रतिकिर्या